ATƏT-in növbəti riyakarlığı
ATƏT-in müşahidə missiyasının Azərbaycandakı növbədənkənar prezident seçkilərini qeyri-məqbul saymasına baxmayaraq bu təşkilatın baş katibindən təbrik məktubu gəlib.
ATƏT və ATƏT-in Demokratik Təsisatlar və İnsan Haqları Bürosunun birgə müşahidə missiyası 7 fevral prezident seçkilərində ciddi pozuntular gördüyünü bildirmişdir. Buna baxmayaraq bu qurumun baş katibi İlham Əliyevi təbrik edərək növbəti riyakarlıq nümyiş etdirib.
ATƏT-in Baş katibi Helqa Maria Şmid-in Azərbaycan Respublikasının Prezidenti İlham Əliyevə təbrik məktubunda İlham Əliyev yenidən Azərbaycan Respublikasının Prezidenti seçildiyinə görə təbrik edilir: “Fürsətdən istifadə edib yeni səlahiyyət müddətinizdə sizə müvəffəqiyyətlər arzu etmək istərdim”,- məktubda deyilir.
Helqa Maria Şmid səbirsizliklə birgə fəaliyyətləri gözlədiyini deyib: “Qarşıdan gələn Münxen Təhlükəsizlik Konfransı zamanı sizi yenidən görmək və təbriklərimi şəxsən çatdırmaq fürsətinə malik olacağıma ümid edirəm”,- Məktubda bildirilir.
