İran İslam Respublikasının oturaq voleybol komandası bazar ertəsi günü 3-0 hesabı ilə Almaniya komandasını məğlub edərək, oturaq voleybol üzrə dünya çempionatındakı ikinci qələbəsinə imza atıb.

İRİB-nin verdiyi məlumata görə, İran komandası bazar günü, oturaq voleybol üzrə dünya çempionatındakı ilk qarşılaşmasında Yaponiya komandasını 3-0 hesabı ilə məğlub etmişdi. 

İran İslam Respublikasının kişilərdən ibarət oturaq voleybol komandası qrup oyunları çərçivəsində çərşənbə günü Rusiya komandası ilə qarşılaşacaq. 

Oturaq voleybol üzrə 17-ci dünya çempionatı 15-23 iyul tarixində Hollandiyada keçirilməkdədir. 

İran komandası B qrupunda Yaponiya, Rusiya və Almaniya ilə bir qrupdadır. 

Oturaq voleybol üzrə dünya çempionatında 16 komanda mübarizə aparır. 

Bu yarışların sonunda ilk 3 yeri tutan komandalar 2020-ci ildə Yaponiyada keçiriləcək paralimpiya yarışlarında iştiraka vəsiqə əldə edəcəklər.