79 ölkədən olan cizgi filmi və karikatura üzrə sənətkarlar 1800-dən çox əsərlə Tehranda keçirilən cizgi filmi və karikatura üzrə ikinci beynəlxalq müsabiqədə iştirak ediblər.

İranın İslam İnqilabı və Müqəddəs Müdafiə Muzeyinin icraçı direktoru Əli Əsğər Cəfəri bu gün bu festivalın bağlanış mərasimində deyib: Bu festivalda 625 iranlı və xarici sənətkar dünya imperilaizminin və Amerika prezidenti Donald Trampın militarist siyasətlərini təsvirə çəkib.

Cəfəri bildirib ki, yüzdən çox iranlı sənətkar 2-ci Trampizm festivalında iştirak edib. O, əlavə edib: Latın Amerikası, Avropa və Asiyadan olan sənətkarlar da Trampizm festivalında iştirak ediblər. Onların əksər hissəsi Şərqi Asiyadan və Latın Amerikasından olubdur.

Bu festivalın bağlanış mərasimində bir qrup seçilmiş sənətkara təşəkkür lövhəsi, nağd pul mükafatı və festivalın özəl medalı hədiyyə olunub.

Cizgi filmi və karikatura üzrə ikinci beynəlxalq festivalın sərgisi də sabahdan etibarən iki həftə müddətinə Tehranda keçiriləcək.