Messi Barselonanı tərk edir
İspaniya mediaları iddia ediblər ki, Lionel Messi Barselona klubunun rəisinə klubu tərk edəcəyini bildirib.
SəhərAzəri xəbər verir, Lionel Messinin Barselona klubundan getməsi və ya bu klubda qalması məsələsi çoxdandır ki, söz-söhbətlərə səbəb olub və bu haqda şayiələr də yayılıbdır.
Barselonanın Münhenin Bavariya klubuna ağır və təhqiramiz şəkildə, yəni 8-2 hesabı ilə məğlub olması sanki ispan klubunun üzərinə soyuq su tökmüş oldu. Bu hadisə əslində bais oldu ki, Messi Barselonadan ayrılmaq barədə daha ciddi şəkildə düşünmüş olsun.
Buna əsasən, bəzi İspaniya mediaları iddia ediblər ki, Lionel Messi Barselona klubunun rəisi Bartomeo ilə telefon əlaqəsi saxlayaraq, ona klubu tərk etmək niyyətində olduğunu bildiribdir.
Qeyd edək ki, hərçənd Messi müqaviləyə əsasən, Barselonada daha bir il oynaya bilər, lakin bu argentinalı ulduzun müqaviləsində bir bənd mövcuddur ki, ona əsasən, o, öz müqaviləsini ləğv edə bilər.
Barselona bu futbol mövsümündə həm Laliqa, həm də Avropa yarışlarında zəif nəticə göstərərək, çempionluq və ya kubok qazana bilməyibdir.
