SAHAR

Fəallar Qəzzədə bir sıra tanınmış idmançıların, xüsusilə də Xan Yunis komandasının qapıçısı Şadi Əbul-Ələrracın öldürülməsi fonunda sionist İsrailin idmançılarının iştirakına görə qarşıdan gələn Paris Olimpiadasını boykot etməyə çağırıblar.

Fəalların hesablamalarına görə, oktyabrın 7-də Qəzzədə müharibə başlayandan bəri 350-yə yaxın idmançı öldürülüb. Bu rəqəmə ən azı 250 futbolçu daxildir.

Yerli Fələstin mediasına görə, bu həftə Xan Yunisdən olan məşhur qapıçı Şadi Əbu-Ələrraj İsrailin Əl-Mavasiyə hücumu zamanı öldürülüb. Əl-Məvasi bölgəsinə edilən ölümcül hücumda oraya sığınan ən azı 90 fələstinli həyatını itirib, Fələstin Səhiyyə Nazirliyi ölənlərin yarısının qadın və uşaq olduğunu bildirib.

Bu həftənin əvvəlində 11 yaşlı Yəzən Əl-Sərsavi də İsrailin Qəzzə zolağının şərqindəki Şücaiyyə bölgəsində keçirdiyi əməliyyat zamanı başına birbaşa atəş nəticəsində öldürülüb. İnternetdə paylaşılan hesablara görə, Əl-Sərsavi Avropa liqasında peşəkar şəkildə oynamaq arzusunda idi. O, həm də Kriştiano Ronaldonun fanatı olub.

Fələstinin atletika komandasının üzvü Vasim Əymən Əbu Dib də bu həftə İsrail qüvvələrinin Xan Yunisdə onun ailə evini bombalaması nəticəsində həlak olub.

Bundan sonra bir çoxları sual verib; Nə üçün İsrail qüvvələri Fələstinin idman şəxsiyyətlərinə qarşı hücumlarına görə məsuliyyətə cəlb edilmir və ya onun və idman komandaları cəzalandırılmır.

Həmçinin fəallar və sosial şəbəkə istifadəçiləri İsrail idmançılarının Olimpiadada iştirakına qadağa qoyulmasını, digərləri isə İsrail idmançılarının Beynəlxalq Olimpiya Komitəsi tərəfindən Olimpiadadan qovulmaması təqdirdə tədbirin boykot edilməsinə çağırıblar.

İsrailin Qəzzəyə qarşı müharibəsi oktyabrın 7-dən bəri 38 min 584 fələstinlinin şəhid olmasına və eyni vaxtda ən azı 88 min 881 fələstinlinin yaralanmasına səbəb olub.

Müharibə nəticəsində anklavın bütün məhəllələri yerlə-yeksan olub və infrastrukturunun çoxu məhv edilib.