Rusiya "Proton" adlı raket ilə yerin orbitinə bir rabitə peyki göndərib.

Fransa xəbər agentliyinin verdiyi məlumata görə, Rusiyanın Kosmonavtika Agentliyi bildirib ki, bu ölkə cümə axşamı fəzaya göndərdiyi "Proton" raketi ilə Amerikanın "Ekostar 21" adlı rabitə peykini yerin orbitinə göndərib. Raket öz missiyasını uğurla yerinə yetirib.

Bu, ötən bir ildə fəzaya göndərilən ilk "Proton" raketidir. Daha öncə bu raketlərin mühərrik sistemində texniki nasazlıq aşkar edilmişdi.

Rusiyanın Kosmonavtika Agentliyinin bildirdiyinə görə, "Proton M2" raketi yerli vaxtla saat 6:45 dəqiqədə fəzaya buraxılıb və uçuş tam proqram əsasında həyata keçirilib.