SAHAR

Basketbol üzrə Asiya Kubokunun finalında İran basketbolçuları layiq olsalar da, Avstraliya səddini aşa bilməyiblər.

İRNA-nın məlumatına görə, Basketbol üzrə Livanda keçirilən Asiya Kubokunun finalında İran və Avstraliya yığmaları qarşılaşıblar. Sonda Avstraliya yığması 79:56 hesabı ilə qalib gəlib və çempion olublar.

Qeyd edək ki, finala qədər həm İran, həm də Avstraliya yığmaları keçirdikləri bütün görüşləri qələbə ilə başa vurmuşdular.

İran basketbolçuları kubokda Hindistan, Suriya və İordaniyanı məğlub edərək qrup birincisi kimi növbəti tura vəsiqə qazanmışdılar.

Dörddə bir finalda Livan yığmasını məğlub edən iranlı basketbolçular yarım finalda Cənubi Koreya səddini aşmışdılar.

Asiya Kubokunun sonunda iki iranlı basketbolçu mükafatçılar sırasına düşüb.