Barselona darmadağın edildi, Liverpul inamlı qələbə qazandı
Avropa Çempionlar Liqasının səkkizdə bir final mərhələsinin ilk oyun günündə Barselona klubu Paris Sen-Jermen ilə qarşılaşıb ki, sonda Göy-qırmızılar ağır məğlubiyyətlə üzləşiblər.
SəhərAzəri xəbər verir ki, Avropa Çempionlar Liqasının səkkizdə bir final mərhələsinin ilk oyun günündə İran vaxti ilə saat 23:30-da iki qarşılaşma ilə start verilib.
Ən əhəmiyyətli oyunlardan birində, Barselona "Nou Kamp" stadionunda Paris Sen-Jermen klubunu qəbul edib və 4-1 hesabı ilə ağır məğlubiyyət qazanıb.
Bu oyunda Lionel Messi 2-ci dəqiqədə penaltidən qol vurub, lakin oyunun davamında Parislilər əla çıxış edərək, Kilian Mbappe oyunun 32, 65 və 85-ci dəqiqələrində het-trik edib və Moyse Kin də 70-ci dəqiqədə bir qol vurub.
Poçettino yetirmələri bu qələbə ilə növbəti mərhələyə yol açıblar.
Digər bir qarşılaşmada İngiltərənin Liverpul komandası Almaniyanın Leypsiq komandasının qonağı olub və 2 qolla qələbə qazanıb.
Oyunun ilk hissəsi qolsuz bərabərliklə başa çatıb, ancaq ikinci hissədə Məhəmməd Salah 53-cü dəqiqədə, Sadio Mane isə 58-ci dəqiqədə fərqlənməyi bacarıblar.
Bu yarışlar sabah daha iki oyunla davam edəcək.
