Qriqoriç Avropa çempionatları tarixinin 700-cü qolunu vurdu
Avstriya futbol yığmasının hücumçusu Şimali Makedoniyaya vurduğu qol ilə Avropa çempionatları tarixində rekord qeydə aldırdı.
SəhərAzəri-nin verdiyi məlumata görə, dünən Avro-2020 yarışlarının «Si»(C) qrupunda Avstriya komandası Şimali Makedoniya komandasını 3-1 hesabı ilə məğlub etməyi bacarıb.
Bu görüşdə Almaniyanın «Aqsburq» futbol klubunda oynayan Mişel Qriqoriç 78-ci dəqiqədə öz komandasının ikinci qolunu vurdu. Bu qol ilə onun komandası Şimali Makedoniya komandasından 2-1 hesabı ilə irəli keçdi.
27 yaşlı Qriqoriç Avropa çempionatları tarixinin yeddi yüzüncü qolunu vuraraq, öz adını qeydə aldırdı.
2016-cı ildən bəri Avstiya millisinin üzvü olan bu oyunçu keçmişdə on beş qol rekordu ilə Avstriya Bundes-Liqasının ən gənc bombardi adını alıbdır.
