Sarəvi bürünc medalçı olub
Gərayi isə finala vəsiqə qazanıb
İranın yunan-roma güləşi üzrə yığma komandasının üzvü Tokio olimpiya oyunlarının bu idman növü üzrə sıralama görüşündə qalib gələrək, bürünc medal alıb.
SəhərAzəri-nin məlumatına əsasən, Məhəmmədhadi Sarəvi bu gün 97 kiloqram çəki dərəcəsində gözəl bir güləşmədə finlandiyalı Arvi Savolayneni doqquz-iki hesabı ilə məğlub edib və bürünc medal sahibi olub.
İlk mərhələdə Əlcəzairdən olan Adəm Budcəməlini doqquz-sıfır hesabı məğlub edən Sarəvi dörddə bir finalda Bolqarıstan güləşçisi Kirill Milova altı-sıfır hesabı ilə qalib gələrək, yarımfinal mərhələsinə yüksəlib.
Məhəmmədhadi Sarəvi bu etapda dünya və olimpiya çempionu, ermənistanlı Artur Aleksanyana bir-dörd hesabı ilə məğlub olaraq, finala çıxa bilməyib.
Digər iranlı yunan-roma güləşçisi Məhəmmədrza Gərayi isə bu gün 67 kiloqram çəki dərəcəsi üzrə yarımfinal görüşündə gürcü Ramaz Zuidzeyə qalib gələrək, finala vəsiqə qazanıbdır.
