Messisiz Barselona La Liqaya qələbə ilə başladı
İspaniyanın Barselona futbol komandası Messisiz ilk rəsmi matçında inamlı qələbə qazandı.
SəhərAzəri-nin məlumatına əsasən, İspaniya La Liqası oyunlarının ilk həftəsində baş tutan bu matçda, göy-qırmızılar hücumçu bir oyun nümayış etdirərək, "Real Sosyedad" ı 4-2 hesabı ilə məğlub etməyi bacardılar. Bu, Barselona futbol komandasının "Nou Kamp"da Lionel Messisiz oynadığı ilk oyun idi. Üstəlik bir ildən çox bir fasilədən sonra Barselona azarkeşlərinin stadionda olmasına icazə verilmişdi.
Lionel Messi Barselonada 17 il parlaq çıxışdan sonra futbol karyerasında yeni bir mövsümü təcrübə etmək üçün keçən həftə Fransanın Paris Sen-Jermen komandasına qoşuldu.
Matçın 10-cu dəqiqəsində stadiondakı tamaşaçılar Lionel Messinin xatirəsini ehtiramla yad etdilər və köynəyini tutaraq argentinalı ulduza kluba gətirdiyi bir çox çempionluq üçün təşəkkür etdilər.
