Futbol dünyasında həyəcan yaşanır
Avropanın beş mötəbər liqasında ən üstün bombardirlər kimlərdir?
Avropanın beş mötəbər liqasında oynayan, futbol mövsümünün bu anınadək ən üstün bombardirlərin siyahısı yayılıb.
SəhərAzəri-nin məlumatına əsasən, siyahının başında Robert Levandovski durur. Polşalı ulduz dünən gecə də Bayern Münhenin «Qroyter Fyurt» ilə görüşündə dublu qeydə aldırmağa müvəffəq olmaqla qollarının sayını 28-ə çatdırıb.
İkinci yerdə Bayer-04-ün ulduzu Patrik Şik dayanır. Bu alman komandasında Sərdar Azmunun komanda yoldaşı və bir növ rəqibi sayılan Şik iyirmi qol vurmağa müvəffəq olub.
Üçüncü yerə Latsiyo-nun italiyalı ulduzu Çiro İmmobile yiyələnib. O, on doqquz qolun sahibidir.
Madridin Real klubunun fransız veteranı Kərim Benzema on səkkiz qolla siyahının dördüncü pilləsində qərarlaşıb.
Beşinci yer Yuventus-un hazırkı ulduzu Duşan Vlahoviçin ixtiyarındadır. Fiorentina-nın sabiq hücumçusu bu anadək on səkkiz qol vurubdur.
Benfikanın ulduzu- Darvin Nunyes də Benzema və Vlahoviç kimi on səkkiz qolun müəllifi olmuş olsa da siyahının altıncı pilləsində yerləşib.
Liverpul-un misirli ulduzu Məhəmməd Salah on yeddi qolla yeddincidir.
Hal-hazırda aldığı zədəyə görə, müalicə kursu keçən Borrusia Dortmund klubunun oyunçusu Erlinq Braut Haland on altı qolla səkkinci yerdə gedir.
Mehdi Tareminin Porto-dakı sabiq komanda yoldaşı və Liverpul-un hazırkı hücumçusu Luis Fernando Dias iyirmi oyunda on beş qol vurmaqla doqquzuncu, iyirmi iki oyunda on beş qol vurmuş Köln klubunun ulduzu Antoni Modest isə onuncu yerlərlə qane olublar.
