Fofananın oruc tutması mübahisə mövzusuna çevrilib
Rodgers müsəlman müdafiəçisini tərifləyib
"Lester Siti"nin baş məşqçisi müsəlman oyunçusunun oruc tutması və orucun onun keyfiyyətinə təsirindən danışıb və oyunçusunu tərifləyib.
SəhərAzəri-nin məlumatına əsasən, Şənbə günü İngiltərə futbol yarışları çərçivəsində baş tutan "Mançester Yunayted" və "Lester Siti" arasında görüşdə Uesli Fofananın oruc tutması yenidən dünya mediasının diqqətini cəlb edib.
Uzun sürən zədədən sonra heyətə qayıdan "Lester Siti"nin müsəlman müdafiəçisi oruc olduğu halda "Mançester Yunayted"in hücumçuları qarşısında 90 dəqiqə çıxış edib və baş məşqçisi tərəfindən təriflənib.
Rodgers Fofananın haqqında deyib: "O, uzun müddətdən sonra komandaya qayıdıb. Ramazan yenicə başlayıb və o, heç nə yeməmişdi. Bununla belə, o, gözəl oyun nümayiş etdirdi və necə böyük futbolçu və xüsusi bir istedad olduğunu göstərdi.
Fofana keçən il də oyunun ortasında iftar etməklə medianın manşetinə çevrilmişdi.
