Karantin rejimindən sonra yeniyetmələrin beyni daha sürətli qocalır
Alimlərin yeni araşdırmaları göstərir ki, koronavirus pandemiyası zamanı karantin rejiminin səbəb olduğu stress yeniyetmələrdə beyinin normadan daha sürətli qocalmasına səbəb olub.
SəhərAzəri-nin məlumatına əsasən, "Science Alert" portalı bu barədə məlumat yayıb.
Məlumatına görə, beyində bu cür dəyişikliklər əvvəllər zorakılıq, laqeydlik, ailə disfunksiyaları ilə üzləşmiş uşaqlarda baş verirdi.
Stenford Universiteti və San-Fransiskodakı Kaliforniya Universitetinin yeni araşdırmasına görə, COVİD-19 xəstəliyi korteksin incəlməsinə, amiqdala və hipokampusun ölçüsündə artıma səbəb olur və beyin proseslərinin bəzilərini sürətləndirir.
Məqalənin müəllifi Ian Gotlib deyib: "Qlobal araşdırmalardan pandemiyanın gənclərin psixi sağlamlığına mənfi təsir etdiyini artıq bilirik, lakin bunun onların beyinlərinə fiziki olaraq nə etdiyini bilmirdik".
