Sionist rejim hərbçiləri arasında intihar halları artıb; Son sutkada iki hərbçi özünü yandırıb
Sionist rejim mediası bu rejimin daha bir keçmiş hərbçisinin özünü yandırdığını bildirib.
Sionist rejimin "Over Donio" adlı veteranı bazar ertəsi gecəsi özünü yandırıb və həyatını itirib.
Bu sionist hərbçinin özünü yandırması elə bir haldadır ki, bir gün əvvəl də daha bir hərbçi sionist rejim ordusu tərəfindən müharibə əlili kimi tanınmadığı üçün özünü yandırıb və həyatını itirib.
Sionist rejimin "kanal 12" telekanalı “Over Donio”nun əvvəllər "Kəfr" briqadasında xidmət etdiyini və xidmət zamanı ruhi və psixi travmalar aldığını bildirib.
"Rəy Əl-Youm" qəzetinin məlumatına görə, bu sionist hərbçi 10 ay əvvəl sionist rejimin Müharibə Nazirliyinə bir məktubda, onun vəziyyətinə baxılmasını istəyib, lakin heç bir cavab almayıb.
Son aylarda sionist rejim mediası işğalçı rejim ordusunun müxtəlif rütbəliləri arasında intiharların sayının artdığını yazır.
İşğalçı İsrail Qüvvələrinin Baş Qərargah rəisi Herzi Halevi, may ayında ordu qüvvələri arasında intihar məsələsinə toxunaraq, vəziyyəti təhdid kimi qiymətləndirib.
Bu barədə İsrailin "Yediot Ahronot" qəzeti bildirib ki, 2022-ci ildə rejimin hərbi qüvvələri arasında 14 intihar hadisəsi baş verib ki, bu da son beş ilin ən yüksək göstəricisidir.
