Həzrət Xədicə(s.ə)-nın vəfatının ildönümü günü münasibətilə başsağlığı veririk!
Bu gün, cümə, mübarək Ramazan ayının onu, əziz İslam Peyğəmbəri Həzrət Məhəmməd(s.ə.s)-in əziz həyat yoldaşı Həzrət Xədicə(s.ə)-nın vəfatının ildönümü günüdür.
SəhərAzəri xəbər verir ki, Qüreyşin tanınmış və varlı qadınlarından olan Həzrət Xədicə(s.ə.) Besətdən on beş il öncə əziz İslam Peyğəmbəri(s.ə.s.) ilə evləndi. O, Həzrət Zəhra(s.ə)-nın anası idi.
Bu böyük xanım Həzrət Məhəmməd(s.ə.s)-in peyğəmbərliyinə ilk iman gətirən qadın idi. O, var-gücü və bütün sərvəti ilə İslam dininə kömək etməyə qalxdı.
Həzrət Xədicə(s.ə)-nın varlığı Həzrət Məhəmməd(s.ə.s.) üçün o qədər əhəmiyyətli idi ki, İslam Peyğəmbəri(s.ə.s.) bu böyük xanımın vəfatını böyük bir müsibət adlandırdı. O, Həzrət Xədicə(s.ə)-nın və özünün digər böyük himayədarı olan, əmisi, Həzrət Əbutalib(ə)-ın vəfat ilini Amul-Huzn, yəni hüznlü il adlandırdı.
İran İslam Respublikası Radio və Televiziya Təşkilatı Həzrət Xədicə(s.ə)-nın vəfatının gəlib çatması münasibəti ilə bütün müsəlmanlara və paklıq Əhli-Beyti(ə) sevərlərə başsağlığı verir.
