Həzrət İmam Əli Əl-Nəqinin (ə) səadətli mövludu günü mübarək olsun!
Bu gün, 1442-ci hicri qəməri ili, zilhəccə ayının 15-i və 2021-ci milad ili iyulun 26-sı dünya şiələrinin onuncu imamı, Həzrət İmam Əli Əl-Nəqinin (ə) səadətli mövludunun ildönümü günüdür.
SəhərAzəri-nin məlumatına əsasən, İmam Əli Əl-Nəqi (ə) 212-ci hicri qəməri ilində Mədinə şəhərinin yaxınlığında dünyaya göz açdı.
O həzrət əziz atası İmam Cavadın (ə) təlimləri ilə böyüdü və atasının şəhadətindən sonra imamətə çatdı və müsəlmanların rəhbərliyi məsuliyyətini öz üzərinə götürdü.
İmam Əli Əl-Nəqinin (ə) məşhur ləqəblərindən olan Hadi, hidayət edən mənasındadır.
Şiələrin 10-cu İmamı, əsl İslamın təqdimatında böyük səylər göstərdi.
O həzrət müxtəlif dini, fikri və ya ictimai məsələlər barədə bəhs üçün çoxlu sayda iclaslar keçirirdi və bu iclaslarda irəli sürülən suallar və şəkk-şübhələri cavablandırırdı.
Həzrət İmam Əli Əl-Nəqinin (ə) səadətli mövludu münasibətilə bütün müsəlmanları və digər azadlıqsevərləri təbrik edirik.
