İraq baş naziri və Fransa prezidenti terrorizmə qarşı koalisiyanın təşkil olunmasının zəruriliyini vurğulayıblar.

Səhər Beynəlxalq Televiziyasının əl-Məsələ İnformasiya Agentliyinə istinadla verdiyi məlumata görə, İraq baş naziri Heydər əl-İbadi cümə günü Fransa prezidenti Fransua Ollandla ilə telefon söhbətində Fransanın şərqində cümə günü törədilən terror aktını pisləyərək deyib: Terrorizm Fransa, İraq və digər ölkələr üçün təhdiddir.
Heydər əl-İbadi Küveyt və Tunisdəki terror aktlarını da pisləyərək İraqda davamlı terror hadisələrinin törədildiyini bildirib və İŞİD terror qruplaşması ilə mübarizə üçün təhlükəsizlik və informasiya əməkdaşlıqlarının gücləndirilməsinin əhəmiyyətini vuğrulayıb.
İraq baş naziri bildirib ki, iraqlılar İŞİD-lə mübarizədə ciddidirlər və İraq torpağının hər bir qarışını İŞİD-in işğalından azad etməyə çalışırlar.