İraq prezidenti ABŞ ordusu Baş Qərargah rəisinin İraqın parçalanması ilə bağlı sözlərinə reaksiya olaraq, deyib: İraqın parçalanması qeyri-mümkündür.

Fuad Məsum Ərəbistanda çıxan Şərql-Əvsət qəzeti ilə müsahibədə ABŞ ordusu Baş Qərargah rəisi Reymond Odiernonun İraqı parçalamaq barədəki sözlərinə reaksiya olaraq, İraqın parçalanmasını qeyri-mümkün adlandırıb və deyib: İraqın 3 müstəqil şiə, kürd və sünni dövlətinə parçalanması nəzəriyyəsi qeyri-mümkündür.
İraqın baş naziri Heydər əl-İbadi də Odiernonun sözlərini məsuliyyətsizlik adlandırıb və deyib: Bu sözlər onun İraq reallıqlarından xəbərsiz olması mənasındadır. General Odierno bir müddət öncə iddia edib ki, İraqda şiə və sünni arasında barışığın olması hər gün getdikcə daha da çətinləşir və İraq sonda parçalanacaq.
Amerikalı generalın İraq böhranına son qoymağın yeganə yolunun İraqı parçalamaq olduğunu dediyi bir vaxtda, ekspertlər və hətta, bəzi ABŞ rəsmiləri bildirirlər ki, ABŞ-ın 2003-cü ildə İraqa olan hərbi müdaxiləsi bu ölkəni böhrana sürükləyən və hazırkı duruma düşürən başlıca səbəbdir.