Sionist rejim hərbçiləri öz cinayətlərinin davamında Qəzzə zolağının cənubuna basqın ediblər.

Səhər Beynəlxalq Televiziyasının MƏA İnformasiya Agentliyinə istinadla verdiyi məlumata görə, sionist rejim hərbçiləri çərşənbə axşamı günü 4 ədəd buldozerlə Xan Yunusun şərqində Xəzaə kəndinə hücum edib və bu ərazidəki tikililəri dağıdıblar.


Digər tərəfdən sionist rejimin xüsusi qüvvələri İordan çayının qərb sahilinin müxtəlif bölgələrinə hücum edərək 9 fələstinlini həbs edib və naməlum məkana aparıblar.


Sionist qəsəbə sakinləri də bazar ertəsi gecə sionist rejim hərbçilərinin dəstəyi ilə İordan çayının qərb sahilində Selfitin şimal-qərbinə hücum edib və fələstinlilərin evlərinə doğru daş ataraq ərazi sakinləri, xüsusilə də uşaqları qorxudublar.