İraqın ali dini mərcəiyyəti İmam Hüseyn (ə) Ərbəini mərasimində iştirak üçün iraqlı qrupların vəzifələrini yerinə yetirmələrini vurğulayıb.

Səhər Beynəlxalq Televiziyasının İraqın Süməriyyə Nyuz xəbər portalına istinadla verdiyi məlumata görə, İraq şiələrinin ali dini mərcəyi Ayətullah Seyid Əli Sistaninin nümayəndəsi Seyid Əhməd əl-Safi Kərbəlada cümə namazı xütbələrindən İraqın siyasi cinahlarından istəyib ki, vəhdəti qorumaqla təkfirçi İŞİD terror qruplaşmasının məhv edilməsi üçün əlavə koordinasiyaya çalışsınlar.
Əl-Safi iraqlı qruplar arasında gərginlik haqda xəbərdarlıq edib və bildirib: İraqlı qruplar arasında gərginliyin yaranmasından yalnız terrorçular faydalanırlar.
İraqın ali dini mərcəiyyəti İraqın müxtəlif qüvvələri, o cümlədən xalq könüllü qüvvələrindən istəyib ki, Ərbəin mərasimində iştirak üçün İŞİD terror qruplaşması ilə döyüşdə öz məsuliyyətlərini kənara qoymasınlar.
İraq şiələrinin mərcəiyyətinin fitvasından sonra İŞİD terror qruplaşması ilə mübarizə üçün təşkil olunan xalq könüllü qüvvələri İŞİD-in işğal etdiyi bölgələrin təmizlənməsi üçün ordu ilə əməkdaşlığa hazır olduqlarını dəfələrlə bildirib və elan ediblər ki, İŞİD-in azad olunan məntəqələri yenidən işğal etməsinin qarşısını almaq üçün tam hazırlığa malikdirlər.