Livan Hizbullahının Vəkillər Kollegiyası əl-Minar telekanalının yayımını dayandırmasına görə, Ərəb Sət peyk şirkətinə qarşı qanuni tədbirlərin görülməsini istəyib.

Fars xəbər agentliyinin verdiyi məlumata görə, Livan Hizbullahı Vəkillər Kollegiyası bir bəyanat yayaraq, Səudiyyə Ərəbistanının Livanın əl-Minar telekanalının Ərəb Sət peyki üzərindən yayımını dayandırmasını qınayıb, bu addımı qeyri-qanuni, zalımcasına və düşmənçiliyə əsaslanan, əxlaqdan kənar bir davranış adlandırıb.

Ərəb Sət peyk şirkəti bir müddət öncə Livandakı ofisini İordaniyaya köçürməsinin ardınca, Livanın əl-Minar telekanalının bu peyk üzərindən yayımını dayandırıb. Bu məsələ Ərəb dünyasında bir sıra media birlikləri və tanınmış simaların etirazlarına səbəb olub.