İraqın təhlükəsizlik dairələri ölkənin qərbində İŞİD terror qruplaşmasının 60 üzvünün öldürüldüyünü bildiriblər.

Qətərin əl-Şərq qəzetinin internet portalının məlumatına görə, İraqın əl-Anbar vilayətinin Əməliyyat Komandanlığı bazar günü bildirib: İraq ordusu əl-Hamiziyyə mənətəqsində 56 bombanı zərərsizləşdirə bilib.

Bu məlumata görə, Əl-Anbar vilayətinin Əməliyyat Komandanı İsmayıl əl-Məhlavi əlavə edib: Amerikanın başçılıq etdiyi İŞİD əleyhinə koalisiyanın əl-Hamiziyyə məntəqəsinin şərqində terrorçuların mövqelərini bombalaması nəticəsində 60 İŞİD-çi öldürülüb.

Bu arada Neynəva vilayətində yerli bir rəsmi Mosul şəhərinin 12 sakininin İŞİD terrorçuları tərəfindən edam edildiyini bildirib.