Türkiyə baş naziri və hakim Ədalət və İnkişaf Partiyasının sədri partiyaya sədrlik vəzifəsindən istefa verib.

Əl-Məyadin informasiya kanalının verdiyi məlumata görə, Əhməd Davudoğlunun istefa verməsinin səbəbi, onunla ölkə prezidenti Rəcəb Təyyib Ərdoğan arasındakı ixtilafların davam etməsidir.

Ə.Davudoğlu partiya sədrliyindən istefasını Ərdoğan ilə görüşünün ardınca elan edib.

Deyilənlərə görə Ərdoğan artıq Davudoğlunun baş nazir postunda qalmasını istəmir.

Ədalət və İnkişaf Partiyasının İcra Komitəsinin Əhməd Davudoğlunu partiyanın bölgə sədrlərinin təyin edilməsi üzrə səlahiyyətdən məhrum etməsi, onun səlahiyyətlərinin azaldılması prosesinin başlanğıcı sayılırdı.

Nəqliyyat naziri, gənclik və idman naziri və ya Ərdoğanın damadı olan Türkiyənin enerji və təbii sərvətlər naziri Berat Albayrağın gələcək baş nazir ola biləcəkləri barədə fikirlər səsləndirilir.