Bağdadın əl-Cədidə və əl-Taci məntəqələrində törədilən iki terror aktında 98 nəfər ölüb və yaralanıb.

İraq polisi cümə axşamı Bağdadın şimalı və şərqində əl-Cədidə və əl-Taci məntəqələrində törədilən 2 terror aktında 28 nəfərin ölməsi və 70 nəfərin yaralanmasından xəbər verib.

Təhlükəsizlik mənbələrinin verdiyi məlumata görə, ilk partlayış təqribən səhər saat 9-da baş verib. Hadisə şiə sakinli əl-Cədidə məntəqəsində bir bazarın yaxınlığında bomba quraşdırılmış avtomobilin partladılması zamanı baş verib. İkinci partlayış isə şəhərin əl-Taci məntəqəsində, yoxlama-buraxılış məntəqəsindən bir dayanacaq aralıda törədilib.

İŞİD terror qruplaşması bu hücumların məsuliyyətini üzərinə götürüb.