Mosulun azad edilməsi əməliyyatının 5-ci günündə İraqın Federal Polisi Mosulun cənubunda yerləşən Nanə kəndini terrorçulardan təmizləyib.

Birləşmiş İraq qüvvələri həmçinin, Mosulun cənubunda  yerləşən Dəvizat kəndini də terrorçulardan təmizləyərək, binaların üzərinə dövlət bayrağını sancıblar.

Bu arada qaçqınlara qarışaraq, kəndi tərk etməyə və İraqın digər məntəqələrinə qaçmağa səy göstərən onlarla İŞİD terrorçusu müəyyən edilərək, saxlanılıb.