SAHAR

Bəzi qərb və region ölkələri tərəfindən maliyyə və silah dəstəyi alan terrorçu İŞİD qrupu Mosul toqquşmalarında iraqlı qüvvələrə hücumda müasir silahlardan xüsusiylə pilotsuz təyyarələrdən istifadə edir.

İRİB-nin iraqlı mənbələrə istinadən verdiyi məlumata görə, İŞİD-in Mosulda iraqlı qüvvələrə qarşı müasir silahlardan xüsusiylə də pilotsuz təyyarələrdən geniş istifadə etməsi iraqlı komandanların təəccübünə səbəb olub. 

İŞİD-in belə müasir təchizatlardan faydalanması bu terrorçu qrupun himayəçilərinin aşkar dəstəyini göstərir. Onlar bu qrupu İraq və Suriyaya qarşı açıq-aşkar dəstəkləyirlər. 

İraq ordusunun anti-terror bölməsinin komandanlarından olan general Əbdülvəhhab Əssaidi deyir: İŞİD bu pilotsuz təyyarələrdən müşahidə əməliyyatı üçün, bəzən də İraq ordusunun hərbi qərargahları və komandanlarını hədəfə almaq üçün istifadə edir. 

Ötən ayı iraqlı qüvvələr Mosulda İŞİD-in silah anbarını ələ keçirərək Türkiyə və Səudiyyə Ərəbistanı ordularında istifadə olunan pilotsuz təyyarələr və silahlar aşkar etmişdilər.