SAHAR

İraq polisi Mosulun şərq hissəsində 101 terrorçunun öldürüldüyünü və 15 bomba quraşdırılmış avtomobilin məhv edildiyini bildirib.

İRİB-in məlumatına görə, İraq ordusunun terrorizmə qarşı bölməsinin komandanlarından Əbdülqəni əl-Əsədi bildirib: Bu qüvvələrin Mosulun şərqində irəliləməsi və bu şəhərdə Qüds məhəlləsinə nüfuz etməsi ilə Mosul əməliyyatının 2-ci mərhələsi praktiki olaraq cümə axşamı günündən başlanıb. 

Başqa bir məlumata görə, İraq ordusunun Hərbi Təhlükəsizlik Təşkilatı Bağdadın şimalında Tarimiyyə bölgəsində terrorçuların bomba quraşdırılmış üç avtomobilinin məhv edilməsinə toxunaraq bildirib: Üç kamikadze avtomobilləri Bağdadın Kazimeyn bölgəsində partlatmaq istəyirmiş. 

Ötən gün də Bağdadın cənubunda əl-Məalif məhəlləsində bomba quraşdırılmış bir avtomobilin partladılması nəticəsində bir nəfər həlak olub, 6 nəfər də yaralanıb. 

İŞİD terror qruplaşması terror aktları ilə sivilləri hədəfə almaqla İraq təhlükəsizlik qüvvələrinin Mosulda irəliləməsinə mane olmağa çalışır.