Sionist rejimin Suriya paytaxtı Dəməşqin yaxınlığında əl-Məzə hərbi aeroportuna qarşı hava hücumunda bu aeroportun silah-sursat anbarı hədəfə alınıb.

Əl-Məyadin televiziyasının verdiyi məlumata görə, Suriya ordusunun hərbi təbliğat qərargahı bildirib ki, İsrailin hərbi təyyarələri Dəməşqin qərbində əl-Məzə hərbi aeroportuna raket hücumu həyata keçirib. Bəyanatda deyilir ki, bu raketlər Təbəriya gölünün şimal bölgəsindən atılıb və hücumdan sonra əl-Məzə aeroportunun müxtəlif hissələrində yanğın baş verib. 

Əl-Məyadin əl-Məzə hərbi hava limanının daxilindəki məlumatlı mənbələr bildiriblər ki, bu hava hücumunda silah-sursat anbarı hədəfə alınıb və yanğınla nəticələnib. Bu hücumda bir neçə əsgər də yaralanıb.