İraqın şimalında Mosul şəhərinin ərazilərinin böyük hissəsinin İŞİD-in işğalından azad olunması ardınca, İraq dairələri Mosul şəhər Universitetinin işə başladığını bildiriblər.

Mosul Universitetinin müəllimlərindən və Ali İcraiyyə Heyətinin üzvü doktor Necdət Ramazan İRNA ilə müsahibədə deyib: Siyasi şəxsiyyətlər, müəllimlər və vətəndaşların köməyi ilə Mosul şəhəri azad olunduqdan bir neçə ay sonra Mosul Universitetinin idarəetmə hissəsi öz fəaliyyətinə yenidən başlayıb.

İŞİD terror qruplaşması 2014-cü ildən Neynəva və İraqın başqa şimal vilayətlərini işğal edərək bu bölgələri yanmış əraziyə çevirib.

İŞİD eyni zamanda işğal etdiyi ərazilərdə simvollar, elmi, dini və mədəni mərkəzlər, tarixi abidələri də dağıtmışdır.