HƏMAS hərəkatı bildirib ki, fələstinli gəncin cümə günü İordan çayının qərb sahilinin mərkəzində Ramullahda həyata keçirdiyi şəhadətsevər əməliyyat sionis rejim hərbçilərinin Məscidül-Əqsaya qarşı hücumlarının artmasına cavab olub.

Fələstinli gənc Ömər Əbdül-Cəlil Əl-Əbd cümə axşamı şəhadətsevər əməliyyatda Ramullahın şərqində sionist sakinli Həlmiş qəsəbəsində 3 sionisti yaraladı və özü də sionistlərin atəşi nəticəsində şəhid oldu. 

İRİB-in verdiyi məlumata görə, Fələstini İslam Müqaviməti Hərəkatı HƏMAS bu gün bir bəyanat yayaraq Qüdsdə fələstinlilərə qarşı irqçi və radikal siyasətlərdə sionist rejimin məsuliyyət daşıdığını bildirib. 

Eyni zamanda Əl-Qəssam, Sərayəl-Qüds və Əl-Asifə Fələstin müqavimət qrupları bir bəyanat yayaraq sionist rejimə Məscidül-Əqsanın girişlərində elektron keçidlər quraşdıracağı təqdirdə bu rejimin onların sərt cavabı ilə üzləşəcəyini bildiriblər. 

Bəyanatda deyilir: Məscidül-Əqsa fələstinlilərin qırmızı xətti olub və olacaq, sionistlər ona yaxınlaşarlarsa yanacaqlar və Fələstin intifazələrinin hamısının qığılcımı sionist rejimin Məscidül-Əqsaya hücumu olmuşdur. 

Sionist rejim ötən həftənin cümə günündən Məscidül-Əqsada fələstinlilərlə gərgin qarşıdurmadan sonra özünün repressiv əməliyyatlarını gücləndirib və fələstinlilərin  məscidə daxil olmalarına məhdudiyyətlər tətbiq edib.