Misir prezidenti və Fələstin Özünüidarə Hökumətinin başçısı ABŞ prezidenti Donald Trampın bu ölkə səfirliyinin Təl-Əvivdən Qüdsə köçürülməsi ilə bağlı qərarının mənfi nəticələri barədə xəbərdarlıq ediblər.

Röyters-in məlumatına görə, Misir prezidenti Əbdülfəttah Əssisi çərşənbə günü axşam Fələstin Özünüidarə Hökumətinin başçısı Mahmud Abbas ilə telefon danışığında Trampın Qüdsü İsrailin paytaxtı olaraq tanımasına reaksiya olaraq deyib: ABŞ prezidenti bu qərarı ilə Qüdsün ərəb və müsəlman xalqların yanında malik olduğu yeri görməməzliyə vurub.