İsrail hərbçilərinin İordan çayının qərb sahilində, Nəbi Saleh kəndinə olan hücumu zamanı bir qrup fələstinli yaralanıb.

İRİB-nin verdiyi məlumata görə, fələstinlilər Nəbi Saleh kəndində Qüdsü və həbsdə olan fələstinli qız Əhd Əl-Təmimini himayə məqsədi ilə aksiya keçiriblər.

İsrail hərbçiləri aksiya iştirakçılarına hücum edərək, 15  nəfəri həbs ediblər.

16 yaşlı fələstinlı qız Əhd Əl-Təmimi ötən dekabr ayından İsrail məhbəslərində saxlanılır. 2 gün sonra onun məhkəmə iclası keçirilməlidir. Əl-Təmimi İsrail hərbçilərini evlərinin həyətindən çıxartmağa səy göstərməkdə ittiham edilir. O, İsrail hərbçisinin üzünə şillə vuraraq, onları öz evlərindən çıxmağa məcbr edib.

İsrailin müharibə naziri Əl-Təmiminin ailə üzvləri və yaxınlarının işğal edilmiş ərazilərə girişinin qadağan edilməsi barədə göstəriş verib.