Yəmən ordusu və xalq komitələrinin raket bölməsi dünən gecə Səudiyyə Ərəbistanının Nəcrandakı hərbi mövqelərini bir ədəd Zilzal-2 raketi ilə hədəfə alıb.

Mehr xəbər agentliyinin verdiyi məlumata görə, Yəmən ordusu və xalq komitələrinin raket bölməsi bazar ertəsi günü də Nəcranda Səudiyyyə Milli Neft Şirkəti ARAMKO-nun təsisatlarını iki ədəd yaxın mənzilli Bədr-1 raketi ilə hədəfə almışdı. 

Yəmən ordusunun sözçüsü Şərəf Loqman öncə bildirmişdir ki, Yəmənə qarşı təcavüz və mühasirə davam etdiyi müddətdə təcavüzkarların mövqeləri və iqtisadi təsisatlarının hədəfə alınması davam etdiriləcək.