SAHAR

Yəmən ordusu Ərəbistanın Əl-Vacib hərbi bazasını ballistik raket ilə hədəfə alıb.

Ərəbistanın başçılıq etdiyi koalisiya qüvvələrinin Yəmənə olan fasiləsiz hücumları və cinayətlərinə cavab olaraq Yəmən ordusu Nəcran vilayətində Ərəbistanın Əl-Vacib hərbi bazasına raket zərbəsi endirib.

Bu əməliyyatda “Bədr-1” ballistik raketindən istifadə edilib.

Yəmən ordusunun raket bölməsi Nəcran vilayətində Ərəbistanın Əl-Vacib hərbi bazasını “Bədr-1” ballistik raketi ilə hədəfə alıb. Həmçinin, Yəmən ordusunun təbliğat qərargahı yəmənli qüvvələrin Əl-Hüdəydə limanında təcavüzkar qüvvələrə qarşı hərbi əməliyyatı ilə bağlı video-görüntülər yayımlayıb. Bu arada, Əl-Hüdəydə vilayətinin işğal edilməsi əməliyyatında təcavüzkar qüvvələr ilə əməkdaşlıq edən muzdlu döyüşçülər Birləşmiş Ərəb Əmirliklərinin ağır itkilərin ardınca öz qoşunlarını Əl-Hüdəydə vilayətindən geri çağırdığını və muzdlu qüvvələri başsız qoyduğunu bildiriblər.

“İŞİD terrorçuları və muzdlu döyüşçülər bu evdə gizləniblər.”

“And olsun Allaha! İşğalçıları Yəməndən qovacağıq. Biz Allaha təvəkkül edirik. Onlar isə Amerikaya, İsrailə və imperialist qüdrətlərə arxalanırlar.”

Bu arada Asoşeyted Press informasiya agentliyi Ərəbistanın Yəməndə Əl-Qaidə terrorçularını dəstəklədiyini ifşa edib. İşğalçılar Yəmən ordusu və xalq qüvvələrinə qarşı savaşmaları üçün Əl-Qaidə ünsürlərinə pul ödəyirlər. Yəməndə terrorçuları himayə ABŞ-ın birbaşa yaşıl işığı və Yəmən xalqının banklardakı pullarının oğurlanması hesabınadır.

“Amerika hər şeydən xəbərdardır. O, bizdən daha çox məlumata malikdir. “

“Asoşeyted Press-in yaydığı məlumatda yeni olan heç nə yoxdur. Biz, İŞİD və Əl-Qaidənin təcavüzkarların kənarında olduğunu yaxşı bilirik. Onlar saysız cinayət törədiblər. Cəsədləri doğrayır, insanların başlarını kəsir, Ənsarullahın baş katibi Əbdülməlik Bədrəddin də İŞİD və Əl-Qaidənin ordu və xalq qüvvələrinə qarşı savaşdığını dəfələrlə qeyd edib.”

Asoşeyted Press 250 Əl-Qaidə yaraqlısının Yəmənin cənubunda “Təhlükəsizlik Kəməri” adı altında BƏƏ-nin bayrağı altında savaşdıqlarını ifşa edib. Və bu məlumatda təcavüzkarların Yəməndə terrorçulara azad fəaliyyət imkanı yaratdıqları da öz əksini tapıb.