SAHAR

Əl-Ənbar vilayətinin qərbində Əl-Həşdüşşəbi qüvvələrinin komandanı bu qüvvələrin İŞİD-in Suriya ərazisindəki mövqelərini raketlə hədəfə aldığını bildirib.

Mehr xəbər agentliyinin Əl-Əhdə istinadlı məlumatına görə, Qasım Müslih bildirib ki, bu qüvvələr bu gün İŞİD-in Əl-Bağuz və Əl-Bukamal bölgələrindəki mövqelərini raketlə hədəfə alıblar. 

Əl-Ənbar vilayətinin qərbində Əl-Həşdüşşəbinin komandanı bildirib ki, bu qüvvələr İŞİD terrorçularının İraq ərazilərinə daxil olmalarına mane olmaq üçün müştərək sərhədlərdəki fəaliyyətini gücləndirib. 

İŞİD terrorçuları son həftələrdə ABŞ hərbçilərinin dəstəyi ilə dəfələrlə İraq sərhədlərini yarmağa və bu ölkədə daxil olmağa cəhd göstəriblər. 

ABŞ hərbçilərinin bir hissəsi Suriya ərazisində Fərat çayının şimal bölgələrində yerləşərək Suriya ordusunun İŞİD-in Əl-Bukamaldakı son mövqelərinə qarşı əməliyyatlarına mane olur.