Dinc "qayıdış haqqı" yürüşlərinin iştirakçısı olmuş fələstinli gənc sionist hərbçilərin atəş açması nəticəsində aldığı ağır yaralar səbəbilə yanvarın 19-da şəhid olub.

İRİB-nin məlumatına görə, Qəzzə zolağının şimalinda sakin olan Amir Minar Əl-Hicarə adlı fələstinli bir gənc 2018-ci il 30 martda dinc "qayıdış haqqı" yürüşlərində iştirak etmişdi ki, sionist hərbçilərin açdıqları atəş nəticəsində ağır yaralandı və 2020-ci il yanvarın 19-da gecə saatlarında şəhid oldu.

"Qayıdış haqqı" yürüşləri 2018-ci ilin mart ayından "əsrin müqaviləsi" planının müddəalarına, o cümlədən fələstinli didərginlərin öz doğma torpaqlarına qayıtmalarını əngəlləyən bəndə etiraz olaraq, demək olar ki, hər cümə günü keçirilir.

2018-ci il martın 30-dan bu günədək "qayıdış haqqı" yürüşlərində 330-dan çox fələstinli sionist İsrailin hərbçiləri tərəfindən şəhid olub və azı 31 min nəfər də yaralanıbdır.