Livan Hizbullahı ABŞ-ın İraq və Suriyaya təcavüzünü pisləyən bəyanatda bildirib ki, bu hücumlar Vaşinqtonun regionda gərginliyi artırmaq istəməmələri ilə bağlı iddialarının yalan olduğunu göstərdi.

Əl-Məyadin kanalının verdiyi məlumata görə, Livan Hizbullahının bəyanatında deyilir: “Biz ABŞ-ın İraq və Suriyada açıq təcavüzünü və hər iki ölkədə bir neçə nəfərin şəhid olması və yaralanması ilə nəticələnən əməliyyatları qətiyyətlə pisləyirik.  Vaşinqtonun bu hərəkəti iki ölkənin suverenliyinin açıq şəkildə pozulması, onların təhlükəsizliyinə və ərazi bütövlüyünə hücumdur”.

Hizbullah vurğulayıb ki, bu təcavüz yalnız regionun qeyri-sabitliyinə töhfə verir.