Sionist rejimin hücumlarında 29 Qəzzə sakini öldürülüb
Mart 15, 2024 15:46 Asia/Baku
Qəzzə səhiyyə nazirliyi bildiribdir ki, sionist rejimin cümə axşamı günü Qəzzə zolağına qarşı iki hücumunda yardım almaq intizarında olan azı iyirmi doqquz fələstinli öldürülüb.
Qəzzə zolağındakı Fələstin səhiyyə başçıları deyiblər ki, birinci hadisədə bu zolağın mərkəzində yerləşən Əlnusəyrat düşərgəsində yardımların paylanması mərkəzinə qarşı hava hücumunda səkkiz nəfər öldürülüb.
Qəzzə səhiyyə nazirliyinin bildirdiyinə görə, sionist hərbçilərin Qəzzənin şimalında yardım yük maşınlarını gözləyən insanlara tərəf atəş açdıqları ikinci hadisədə azı iyirmi bir nəfər ölüb, yüz əllidən çox insan da yaralanıbdır.
