Yəmənin Ənsarullah hərəkatının üzvü HƏMAS-ın siyasi ofisinin rəhbəri İsmayıl Həniyyənin şəhadətilə əlaqədar sionist rejimi təhdid edib və bildirib ki, bu rejim alçaldıcı zərbələr gözləməlidir.

Həzam əl-Əsəd X sosial şəbəkəsindəki istifadəçi səhifəsində ivrit dilində yazdığı mesajda bildirib: “İsraillilər niyə narahatdırlar? Çünki onları alçaldıcı və rüsvayçı bir zərbə gözləyir”.

Ənsarullah hərəkatının lideri Seyid Əbdülmalik əl-Husi də deyib ki, sionist düşmən cinayətlərini artıraraq, özünü qaçılmaz süquta yaxınlaşdırmışdır.

Onun sözlərinə görə, şəhid Həniyyənin Fələstinin ədalətli və müqəddəs amal və idealına xidmətdə, Fələstinin və Məscidül-Əqsanın azad edilməsi uğrundakı mübarizədə müstəsna rolu olub.