Netanyahunun iqamətgahı yaxınlığında güclü partlayış baş verib
Sionist rejim mətbuatı bazar ertəsi gecə Tel-Əvivin yaxınlığındakı Qeysəriyyə şəhərində Benyamin Netanyahunun iqamətgahı yaxınlığında güclü partlayış səsinin eşidildiyini bildirib.
SəhərAzəri-nin məlumatına əsasən, bu mənbələr bu partlayışın səsinin Təl-Əvivin yaxınlığındakı Orakiv və Qeysəriyyədə də eşidildiyini bildiriblər. Sionist mənbələr bu məsələnin araşdırıldığını və partlayışın səbəbinin hələ müəyyən edilmədiyini açıqlayıblar.
Sionist rejimin Teleradio Təşkilatı da bazar ertəsi səhər saatlarından etibarən bu günün axşamına qədər Livandan işğal olunmuş ərazilərə doğru 90-a yaxın raketin atıldığını elan edib.
Sionist rejim ordusu sentyabrın 23-dən Livanın cənubunun müxtəlif bölgələrinə genişmiqyaslı hücumlara başlayıb və bu hücumlar hələ də davam edir. Livan Səhiyyə Nazirliyinin məlumatına görə, sionist rejimin hücumları indiyədək yüzlərlə livanlının şəhid olması, minlərlə nəfərın isə yaralanması ilə nəticələnib.
Livan Hizbullahı da bu ölkədə mülki vətəndaşların hədəfə alınması qarşısında səssiz qalmayıb və işğal altındakı Fələstinin şimalında İsrail rejiminin mövqelərinə və sionist sakinli qəsəbələrə qarşı çoxsaylı əməliyyatlar aparır.
