Netanyahu hökumətinin on minlərlə əleyhdarı Təl-Əvivdə genişmiqyaslı etiraz aksiyası keçirərək, bu rejimin siyasətlərinə qarşı narazılıqlarını ifadə ediblər.

Şənbə axşamı Benyamin Netanyahuya qarşı olan on minlərlə sionist Təl-Əviv küçələrində toplaşaraq, rejimin siyasətlərinə qarşı şüarlar səsləndiriblər və baş nazirin istefasını tələb ediblər.Etirazçılar, həmçinin Netanyahu hökumətinin təhlükəsizlik və siyasi fəaliyyətini tənqid edərək, rejimin “7 oktyabr” əməliyyatı zamanı yaşadığı təhlükəsizlik uğursuzluqlarının araşdırılması üçün müstəqil komissiyanın yaradılmasını tələb ediblər.Bu aksiyalar ölənlərin ailə üzvləri və müxalifət partiyalarının bəzi liderlərinin, o cümlədən Gadi Ayzenkotun iştirakı ilə keçirilib. Netanyahu hökuməti indiyə qədər müstəqil təhqiqat komissiyasının yaradılmasına qarşı çıxıb.Genişmiqyaslı etiraz aksiyası sionist rejimin parlament seçkilərinə cəmi bir neçə gün qalmış keçirilib. Netanyahu hökumətinin fəaliyyəti və regional müharibələrin nəticələri ilə bağlı siyasi fikir ayrılıqları seçki mübarizəsinin əsas mövzularından birinə çevrilib.