Gürcüstanda koronavirusa yoluxanların sayı 1 104 nəfərə çatıb
İyul 24, 2020 10:40 Asia/Baku
Gürcüstanda son sutka ərzində yeni növ koronavirusa daha (COVID-19) 19 yoluxma halı qeydə alınıb.
SəhərAzəri yerli mediaya istinadla xəbər verir, bu barədə Gürcüstan hökumətinin koronavirusla mübarizə çərçivəsində yaratdığı xüsusi internet saytında məlumat verilib.
Bununla da Gürcüstanda koronavirusa yoluxanların sayı 1 104 nəfərə çatıb.
Qeyd edək ki, Gürcüstanda koronavirus səbəbi ilə 5 936 nəfər karantində saxlanılır, 268 nəfər isə stasionar şəraitdə müalicə olunur.
Virusa yoluxanlardan 912 nəfərin sağaldığı, 16 nəfərin isə vəfat etdiyi bildirilir.
