Separatçıların əsas fiqurları Qarabağı tərk ediblər?
İddia: Separatçıların sabiq başçıları artıq Ermənistandadır
Okt 02, 2023 13:30 Asia/Baku
Ermənistan mətbuatı bildirir ki, Qarabağdakı separatçıların üç sabiq başçısı Arkadi Qukasyan, Bako Saakyan və Arayik Arutyunyan oktyabrın 1-də Ermənistana gəliblər.
Bu məlumata əsasən, separatçı liderlər və erməni silahlı birləşmələrin rəhbərlərinin böyük hissəsi danışıqlar nəticəsində əldə edilmiş razılaşmaya uyğun olaraq, oktyabrın 1-i axşam saatlarında Ermənistana təhvil verilib.
Bildirilir ki, Qarabağ ermənilərinin sonuncu rəhbəri Samvel Şahramanyan ölən və itkin düşənlərin qalıqlarının tapılması üçün axtarış-xilasetmə işləri başa çatana qədər Xankəndidə qalacaq.
Qeyd edək ki, “Sputnik Ermənistan”ın Teleqram kanalında yayılan bu məlumat hələlik təsdiqlənməyib.
