Rusiya Təhlükəsizlik Şurası sədrinin müavini Avropaya sərt xəbərdarlıq etdi
“Avropalılar Rusiya ilə müharibəni aparmağa qadir deyillər”
Sen 30, 2025 14:46 Asia/Baku
Rusiya Təhlükəsizlik Şurası sədrinin müavini Dmitri Medvedyev Avropa dövlətlərinə sərt şəkildə xəbərdarlıq edib.
Medvedyev bildirib ki, Avropa Rusiya ilə müharibə aparmaq iqtidarında deyil. Lakin əgər Avropa liderləri belə bir səhvə yol versələr, bu münaqişə kütləvi qırğın silahlarının da istifadə oluna biləcəyi toqquşmaya çevrilə bilər.
Rusiyanın sabiq prezidenti “Telegram” kanalında yazıb ki, Rusiyanın belə bir müharibəyə ehtiyacı yoxdur, o cümlədən “soyuq, qoca Avropa” ilə də.
“Onlar sadəcə olaraq Rusiya ilə müharibəni aparmağa qadir deyillər,” – deyə Medvedyev qeyd edib ki, belə bir qarşıdurmanın kütləvi qırğın silahlarının istifadə olunacağı müharibəyə çevrilmə riski tamamilə realdır.
