Ermənistan Xarici İşlər Nazirliyi Rusiya sərhədçilərinin mövcudluğuna aydınlıq gətirdi
Badalyan: İrəvan-Bakı razılaşması Rusiya sərhədçilərinə şamil edilmir
Ermənistan Xarici İşlər Nazirliyinin sözçüsü Ani Badalyan İrəvan və Bakı arasında paraflanmış sülh sazişinin Rusiya sərhədçilərinin Ermənistanda olmasına aidiyyəti olmadığını bildirib.
Bu məlumata əsasən, Ermənistan Xarici İşlər Nazirliyinin rəsmi nümayəndəsinə sual verilib ki, Ermənistanla Azərbaycan arasında sülh sazişi Ermənistan-İran sərhədində patrul xidməti həyata keçirən Rusiya sərhədçilərinin geri çəkilməsi deməkdirmi?
Badalyanın cavabı belə olub: “Bu, Rusiya ilə ikitərəfli sazişlə tənzimlənir, ona görə də Azərbaycan Respublikası ilə parafladığımız sülh sazişinə şamil edilmir”.
Bəzi rəylərə görə, Rusiya 10 noyabr 2020-ci ildə imzalanmış üçtərəfli bəyanatın 9-cu bəndini rəhbər tutaraq, kommunikasiyalara nəzarəti öz əlində saxlayacaq və bu əsasda Sünik rayonunda Tramp Yolunun yaradılmasına mane olacaqdır.
Xatırladaq ki, Rusiya tərəfi 8 avqust tarixində Vaşinqtonda əldə edilmiş razılaşmaya və Tramp marşrutu məsələsində bu günədək rəsmi münasibət bildirməyib.
