İraq xarici işlər naziri bu ölkənin beynəlxalq ictimaiyyətin nümayəndəsi olaraq İŞİD terror qruplaşması ilə mübarizədə olduğunu bildirib.

Səhər Beynəlxalq Televiziyasının Təsnim Xəbər Agentliyinə istinadla verdiyi məlumata görə, İraq xarici işlər naziri İbrahim əl-Cəfəri cümə axşamı günü bu ölkənin xalq könüllü qüvvələri ilə həmrəylik iclasında deyib: İraq qüvvələri və könüllü xalq qüvvələri beynəlxalq ictimaiyyətin nümayəndəsi olaraq İŞİD terror qruplaşması ilə mübarizə aparırlar.
İŞİD-lə müharibədə İraqın dəstəklənməsinin zəruriliyini bildirən İbrahim əl-Cəfəri əlavə edib: Xalq könüllü qüvvələri iraqlı milli qüvvələrdir ki, ölkənin və mərcəiyyətin səsinə səs verərək təşkil olunmuşlar.