Suriyada tay boksu üzrə ikiqat dünya çempionu Valdet Qaşi öldürülüb.

Səhər telekanalının medialara istinadlı məlumatına görə, o, “İŞİD” terrorçu qruplaşmasının tərkibində döyüşürmüş.

Çempionun ailə üzvlərinin sözlərinə görə, Qaşi iyulun 4-də, naməlum şəraitdə vurulub.

İŞİD-in tərkibində idmançı Suriya-Türkiyə sərhədində patrulla məşğul olub.

İyunun ortalarında Qaşi İŞİD-ə qoşulduğunu etiraf etmişdi. Almaniyadan olan idmançı aprel və may aylarında Tailandda təlim-məşq toplanışı keçməli idi, lakin bunun əvəzinə, Suriyaya gələrək terrorçulara qoşulmuşdu.