Təhlükəsizlik dairələri İraqda Münafiqlər terror qruplaşmasının yerləşdiyi məkanın raketlə atəşə tutulduğunu bildiriblər.

Səhər Beynəlxalq Televiziyasının ərəb telekanallarına istinadla verdiyi məlumata görə, Bağdadın ətrafında Münafiqlər terror qruplaşması üzvlərinin yerləşdiyi Liberti bazasına raket hücumunda bu qruplaşmanın bir neçə üzvü ölüb və yaralanıb.
Libertidə təxminən 2400 Münafiqlər qruplaşmasının üzvü vardır.
İraqın şərqində iraqlılar tərəfindən Əşrəf bazasının ələ keçirilməsi və dağıdılmasından sonra Münafiqlər terror qruplaşmasının ünsürləri xaricə göndərilmək üçün Bağdadın ətrafında Liberti bazasına nəql olunublar.
Münafiqlər terror qruplaşması İraqın edam olunmuş diktatoru Səddamla 1991-ci ildə bu ölkənin cənub bölgələrində müxaliflərin repressiyası və kürdlərin qırğınında əməkdaşlıq edib. Elə buna görə, İraq xalqı bu ünsürlərin ölkələrindən çıxarılmasını tələb edir.