SAHAR

İraqlı qüvvələr Mosul əməliyyatının davamında şəhərin beynəlxalq hava limanına yaxınlaşıblar.

Fərat Nyus xəbər agentliyinin verdiyi məlumata görə, İraq polisinin komandanı Raid Şakir Cəvdət deyib: İraqlı qüvvələr Mosulun cənubunda daha bir neçə kəndi terrorçuların işğalından azad ediblər. 

Şakir Cəvdət əlavə edib: Könüllü xalq qüvvələri də Mosulun qərbində yerləşən tarixi Seyf  təpəsini nəzarət altına almağı bacarıbalr. 

İraq polisinin komandanı həmçinin deyib: Könüllü xalq qüvvələri Mosulun qərbindəki binalara sığınmış bir qrup İŞİD terrorçusunu məhv ediblər. 

Bu arada İraqın terrorizm ilə mübarizə qüvvələri Mosulun Gökcəli məntəqəsində bir qrup terrorçu kamikadzeni mühasirəyə alaraq, zərərsizləşdiriblər. 

İraqın terrorizm ilə mübarizə qüvvələri həmçinin, məntəqənin terrorçulardan təmizlənməsi əməliyyatını davam etdirirlər. Bu məntəqənin sakinləri hələ də öz evlərindədir və yaşayış yerlərini tərk etməyiblər. 

İraqlı qüvvələr o cümlədən polis qüvvələri, ordu qüvvələri, könüllü xalq qüvvələri və kürd peşmərgə yaraqlıları Mosul əməliyyatının başlandığı zamandan bəri yüzlərlə kvadrat kilometr ərazini və onlarla kəndi İŞİD terrorçularının işğalından azad edərək, Mosul şəhərinə  yaxınlaşıblar.